MÜASİR STANDARTLARA CAVAB VERƏN MƏHSUL İSTEHSAL EDİLİR
Dövlət Neft Şirkətindən (ARDNŞ) AZƏRTAC-a bildirmişlər ki, “Azərneftyağ” neft emalı zavodunun istehsalı olan avtomobil benzinlərinin keyfiyyətini Avropa standartlarına çatdırmaq, yəni onların tərkibindəki aromatik karbohidrogenləri azaltmaqla ekoloji təmiz benzin istehsal etmək məqsədi ilə xarici şirkətlərlə ardıcıl iş aparılır. ABŞ-ın UOP firmasının təklifi əsasında baza layihəsi hazırlanmış, firmalarla “Alkilen Oksi Pro” kompleksinin inşasına dair danışıqlar aparılmışdır. Bu müasir qurğuların tikilməsi yaxın gələcəkdə dünya bazarına daha yüksək keyfiyyətli neft məhsulları çıxarmağa zəmin yaradacaqdır.
Son illər bütün sahələrdə sürətlə inkişaf edən müəssisə respublikamızda və MDB məkanında ilk dəfə keyfiyyət, ekologiya, təhlükəsizlik kateqoriyaları üzrə beynəlxalq standartların sertifikatlarına layiq görülmüşdür.
Bölmənin digər xəbərləri
