Müdafiə Nazirliyi Kəlbəcər istiqamətində sərhəddə atəşkəsin pozulması xəbərini təkzib edib
Bakı, 6 iyun, AZƏRTAC
Azərbaycan Müdafiə Nazirliyi Kəlbəcər rayonu istiqamətindəki sərhəddə baş verən atışma barədə Ermənistan mətbuatının yaydığı xəbəri təkzib edib.
Bu barədə AZƏRTAC-a Nazirliyin mətbuat xidmətindən məlumat verilib.
“Sərhəddə vəziyyət sakitdir. Atəşkəsin pozulması halı qeydə alınmayıb. Ermənistan Müdafiə Nazirliyinin yaydığı xəbər bir daha bölgədəki vəziyyəti gərginləşdirməyə yönəlmiş bir təxribatdır”, - deyə Azərbaycan Müdafiə Nazirliyinin mətbuat xidmətinin rəisi polkovnik Vaqif Dərgahlı bildirib.
Bölmənin digər xəbərləri
