Murmansk məktəbində Azərbaycan mədəniyyəti günü keçiriləcəkdir
Bakı, 16 aprel (AZƏRTAC). Aprelin 20-də Murmanskdakı 34 nömrəli orta ümumtəhsil məktəbində Azərbaycan mədəniyyəti günü keçiriləcəkdir.
Tədbiri Ümumrusiya Azərbaycanlıları Konqresinin Murmansk vilayət şöbəsi Rusiyanın Azərbaycanlı Gənclər Təşkilatının regional şöbəsinin köməyi ilə təşkil edir.
Təntənəli gecədə “Şərq incisi” ansamblı Azərbaycan xalq mahnıları, habelə rus xalq mahnıları ifa edəcəkdir.
Murmansk Humanitar İnstitutunun məzunu Tamilla Uvuzova gecənin iştirakçılarına Azərbaycan mədəniyyəti, Azərbaycanın müstəqilliyi haqqında slayd-şou və videosüjet göstərəcək, milli dövlətçiliyin möhkəmlənməsində ümummilli lider Heydər Əliyevin rolundan söhbət açacaqdır.
Dəvət olunanlar arasında Murmansk vilayəti, Şimal-Qərbi Federal mahal hökumətinin nümayəndələri, Sankt-Peterburqdan qonaqlar, İctimai Palatanın üzvləri, şəhər və vilayət dumalarının deputatları, milli-mədəniyyət cəmiyyətlərinin sədrləri vardır.
Bölmənin digər xəbərləri
