Murmansklılar aktiv xeyriyyə fəaliyyətinə görə həmvətənlərimizə minnətdarlıqlarını bildirirlər
Bakı, 19 aprel (AZƏRTAC). Ümumrusiya Azərbaycanlıları Konqresinin Murmansk şöbəsinə qeyri-dövlət məktəbəqədər təhsil müəssisəsinin - 27 nömrəli uşaq bağçasının, əlillərin “Bacarıqlılar” adlı yaradıcılıq təşkilatının kollektivlərindən minnətdarlıq məktubları daxil olmuşdur. Məktublarda göstərdikləri yardıma görə həmvətənlərimizə minnətdarlıq ifadə olunur.
Murmansklıların məktublarında deyilir: “Hörmətli və sevimli insanlar, istedadlı, yaradıcı əlillərə kömək göstərdiyinizə görə, açıq və səmimi qəlbinizə, “ləzzətli yardımınıza” və məhdud imkanlı adamlara diqqətinizə görə çox sağ olun! Dünya xeyirxah insanlardan xali deyildir! Sizə, bütün doğmalarınıza və dostlarınıza sağlamlıq, xoşbəxtlik, firavanlıq və rifah arzulayırıq!”.
Qeyd etmək lazımdır ki, Murmansk vilayətinin Azərbaycan diasporu şimal diyarın ictimai-siyasi və iqtisadi həyatında fəal iştirak edir.
Son statistik məlumatlara görə, Murmansk vilayətində 25 mindən çox həmyerlimiz yaşayır.
Bölmənin digər xəbərləri
