Naməlum şəxs “Sony” şirkətinin Londondakı ofisində iki nəfəri bıçaqla yaralayıb VİDEO
Bakı, 2 noyabr, AZƏRTAC
Noyabrın 2-də naməlum şəxs “Sony” kompaniyasının Londondakı mənzil-qərargahına hücum edərək iki nəfəri bıçaqla yaralayıb.
AZƏRTAC Interfax informasiya agentliyinə istinadla xəbər verir ki, ilkin məlumata əsasən, insidentdən öncə naməlum şəxs qanunsuz olaraq binaya girib.
Zərər çəkənlərin vəziyyəti barədə məlumat verilmir. İnsidentdən sonra ofisin əməkdaşları təxliyə olunub. Hazırda polis və həkimlər hadisə yerində işləyir. London polisi hücumla bağlı bir nəfərin saxlanıldığı barədə məlumat yayıb.
İnsidentin terrorla əlaqəsinin olmadığı bildirilir.
Bölmənin digər xəbərləri
