“Nar Mobile” Dohada keçirilən beynəlxalq sərgidə iştirak edir
Bakı, 9 dekabr, AZƏRTAC
“Nar Mobile” mobil operatorun rəhbərliyi Qətərin paytaxtı Doha şəhərində keçirilən “ITU Telecom World - 2014” ümumdünya telekommunikasiya sərgisində iştirak edir. Dekabrın 10-dək davam edəcək sərgidə fəaliyyət göstərən Azərbaycanın xüsusi stendində şirkətin ən son nailiyyətləri dünya ictimaiyyətinə təqdim olunur.
Şirkətdən AZƏRTAC-a bildirilib ki, “Nar Mobile” nümayəndələri sərgi çərçivəsində telekommunikasiya sektorunun inkişaf tendensiyaları, beynəlxalq praktikanın yeni istiqamətləri ilə tanış olur, həmçinin, sahənin aparıcı şirkətləri ilə təcrübə mübadiləsi aparırlar.
Bölmənin digər xəbərləri
