NASA SİNOPTİKLƏRİ BU YAY AVROPADA REKORD DƏRƏCƏDƏ İSTİLƏR VƏD EDİRLƏR
Bakı, 24 may (AZƏRTAC). Xarici KİV-lərin məlumatına görə, bu il Avropada meteomüşahidələrin bütün dövrü ərzində ən isti yay olacaqdır. Bu proqnozu ABŞ Aeoronavtika və Kosmik Məkanın Tədqiqi Milli İdarəsinin alimləri irəli sürmüşlər.
Tədqiqatın rəhbəri, professor Ceyms Hansen demişdir: “Son 12 ayda Yer atmosferinin gündəlik orta temperaturu ötən 130 ildə ən yüksək həddə çatmışdır. Bu ilin yanvar-aprelində isə temperatur mütləq rekord göstəricilərə yaxın olmuşdur. Riyazi modellər göstərir ki, temperatur yaxın aylarda getdikcə artacaq və bizi - Şimal yarımkürəsinin sakinlərini meteomüşahidələrin aparıldığı bütün dövr ərzində ən isti yay gözləyir”.
Alimlərin nəticələrinə görə, isti hava şəraiti Sakit okeanda isti axının istiqamətinin dəyişməsi ilə bağlıdır. Bu isə öz növbəsində, “Əl-Nino” adlanan iqlim fenomeninin yaranmasına gətirib çıxarır. Bu il Sakit okeandan həmişəkindən daha çox isti ayrıldığına görə atmosferin aşağı təbəqələri qızır.
Bölmənin digər xəbərləri
