Naxçıvan, 27 sentyabr, AZƏRTAC

27 Sentyabr - Anım Günündə ölkəmizin hər yerində olduğu kimi, muxtar respublikada da saat 12:00-da canlarını Azərbaycanın ərazi bütövlüyü uğrunda qurban vermiş şəhidlərin əziz xatirəsi bir dəqiqəlik sükutla yad edilib, nəqliyyat vasitələrinin və piyadaların hərəkəti dayandırılıb.

AZƏRTAC xəbər verir ki, səhər saatlarından başlayaraq muxtar respublikanın şəhər və rayonlarında şəhidlərimizin məzarlarını ziyarət edən insanlar onların xatirəsini ehtiramla anır, məzarları üzərinə tər güllər düzürlər.