Naxçıvanda Ulu Öndərin 100 illik yubileyinə həsr olunmuş beynəlxalq turnir keçiriləcək
Bakı, 7 sentyabr, AZƏRTAC
Naxçıvan şəhərində Azərbaycan xalqının Ümummilli Lideri, Ulu Öndər Heydər Əliyevin 100 illik yubileyinə həsr olunmuş bədii gimnastika üzrə “Grace of Nature” beynəlxalq turniri keçiriləcək.
Azərbaycan Gimnastika Federasiyasından AZƏRTAC-a verilən məlumata görə, bu, bölgədə təşkil olunacaq ilk beynəlxalq yarışdır.
Naxçıvan Olimpiya İdman Kompleksinin ev sahibliyi edəcəyi turnirdə kiçikyaşlı, yeniyetmə və gənc gimnastlar mübarizə aparacaqlar.
Qeyd edək ki, yarış 21-22 sentyabr tarixlərində keçiriləcək.
Bölmənin digər xəbərləri
