Nazir: Azərbaycanda yaradılan iş yerlərinin sayı əmək bazarına çıxan insanların sayını üstələyir
Bakı, 21 dekabr, AZƏRTAC
Əsas kapital qoyuluşumuzu işğaldan azad edilmiş ərazilərə yatırmağımız özəl sektor üçün əlavə imkanlar açır.
AZƏRTAC xəbər verir ki, bunu iqtisadiyyat naziri Mikayıl Cabbarov Azərbaycan-Türkiyə İnvestisiya Forumu çərçivəsində baş tutan “Azərbaycan Respublikasında investisiya qoyuluşu imkanları” panelində çıxışı zamanı deyib.
Nazir qeyd edib ki, son beş ildə biznes mühiti istiqamətində Prezident İlham Əliyevin siyasi iradəsi nəticəsində köklü dəyişikliklər həyata keçirilib: “Bu vergi, gömrük, məhkəmə sistemi kimi sahələri əhatə edir. Son beş ildə hər il neft və təbii qaz istisna olmaqla 70 min iş yeri yaradırıq. Azərbaycanda yaradılan iş yerlərinin sayı əmək bazarına çıxan insanların sayını üstələyir”.
Bölmənin digər xəbərləri
