Nazir Emin Əmrullayev Oğuzda vətəndaşlarla görüşəcək
Bakı, 1 iyul, AZƏRTAC
Elm və təhsil naziri Emin Əmrullayev iyulun 25-də Oğuz şəhərində vətəndaşları qəbul edəcək. Qəbulda Oğuz, Şəki, Qax, Zaqatala, Balakən və Qəbələ sakinləri iştirak edə bilərlər.
Bu barədə AZƏRTAC-a Elm və Təhsil Nazirliyindən məlumat verilib.
Adları çəkilən şəhər və rayonların sakinləri iyulun 11-nə qədər (saat 18:00-dək) Elm və Təhsil Nazirliyinin Çağrı Mərkəzinin 146 – 2 və 146 – 6 nömrəli telefonlarına (yalnız iş günləri və saatları ərzində) zəng etməklə qəbula yazıla bilərlər. Bununla yanaşı, nazirliyin rəsmi saytının https://edu.gov.az/az/contact_us bölməsinə elektron formada və ya +994 51 206 78 48 nömrəsinə vatsap vasitəsilə müraciət göndərmək mümkündür.
Qəbulda iştirak üçün qeydiyyat mütləqdir.
Bölmənin digər xəbərləri
