NAZİRLƏR KABİNETİNDƏ GÖRÜŞ
Baş nazir Azərbaycanla Bolqarıstan arasında ənənəvi dostluq münasibətlərindən danışaraq vurğuladı ki, Bolqarıstan nümayəndə heyətinin səfəri gənclər siyasəti və idman sahəsində əlaqələrin genişlənməsinə xidmət edəcəkdir. Azərbaycanda bu sahədə bir sıra dövlət proqramları qəbul olunmuşdur, ölkə Prezidenti bədən tərbiyəsi və idmanın, inkişafına, kütləviliyinə daim diqqət yetirir.
Xanım Leçeva dedi ki, dünyada az-az ölkə Azərbaycandakı kimi bu qədər müasir idman qurğuları ilə öyünə bilər. Qonaq bu amili ölkənin gələcəyinə yönəldilmiş sərmayə kimi qiymətləndirdi. O, başçılıq etdiyi agentliklə Azərbaycanın Gənclər və İdman Nazirliyi arasında əlaqələrdəki müsbət meyillərdən danışaraq bildirdi ki, səfərin yekunlarına əsasən əməkdaşlıq haqqında ikitərəfli saziş imzalanması bu münasibətlərdə yeni mərhələ açacaqdır.
Bölmənin digər xəbərləri
