Nazirlik rəsmisi: Şəkərli diabet xəstələrinin insulin vahidləri ilə təminatına yeni yanaşma tətbiq olunacaq
Bakı, 14 noyabr, AZƏRTAC
Şəkərli diabet xəstələrinin insulin vahidləri ilə təminatına yeni yanaşmanın tətbiqi nəzərdə tutulur.
Bunu AZƏRTAC-a açıqlamasında Səhiyyə Nazirliyinin Səhiyyə siyasəti şöbəsinin müdiri Ramik Quliyev deyib.
"Çalışırıq ki, hər xəstəyə 40 vahid insulin təminatı nəzərdə tutulmasın. Bu yanaşmadan kənarlaşmaq istəyirik. Məqsədimiz insulin vahidlərinin hər bir xəstə üçün fərdi olaraq hesablanmasıdır", - deyə o qeyd edib.
Ramik Quliyev 2026-2030-cu illər üçün şəkərli diabet xəstəliyi üzrə yeni dövlət proqramının təsdiq olunmasının planlaşdırıldığını da diqqətə çatdırıb.
Bölmənin digər xəbərləri
