NBA: “Detroyt Pistons” və “Oklahoma Siti Tander” seriyada növbəti qələbələrini qazanıblar
Bakı, 8 may, AZƏRTAC
ABŞ-nin Milli Basketbol Assosiasiyasının (NBA) pley-off mərhələsində II turun növbəti oyunları keçirilib.
AZƏRTAC xəbər verir ki, “Detroyt Pistons” doğma meydanda “Klivlend Kavalyers”i 107:97 hesabı ilə məğlub edib. Hazırda seriyada “Detroit Pistons” 2:0 hesabı ilə öndədir. Komandalar arasında üçüncü görüş mayın 9-da “Klivlend”in meydanında keçiriləcək.
Digər görüşdə “Oklahoma Siti Tander” “Los-Anceles Leykers” üzərində inamlı qələbə qazanıb. Son çempion Kaliforniya təmsilçisini 125:107 hesabı ilə darmadağın edib. Hazırda seriyada “Oklahoma Siti Tander” 2:0 hesabı ilə öndədir. Komandalar arasında üçüncü oyun mayın 10-da gerçəkləşəcək.
Bölmənin digər xəbərləri
