“Neftçi”–“Qalatasaray” oyununu şotlandiyalı hakimlər briqadası idarə edəcək
Bakı, 7 sentyabr, AZƏRTAC
UEFA Avropa Liqasının ikinci təsnifat mərhələsi çərçivəsində keçiriləcək “Neftçi”-“Qalatasaray” matçının hakim təyinatları açıqlanıb.
AZƏRTAC xəbər verir ki, oyun Şotlandiyadan olan hakimlər briqadasına tapşırılıb. Matçın baş hakimi Kevin Klensi olacaq. Ona Devid Makqişi və Qrimi Stüart kömək edəcəklər. Dördüncü hakim funksiyasını Euan Anderson yerinə yetirəcək.
Görüşün UEFA nümayəndəsi Svetlana Şkil (Ukrayna), hakim-inspektoru isə Sokol Jaresi (Albaniya) olacaq.
Qeyd edək ki, sentyabrın 17-də “Bakcell Arena”da keçiriləcək “Neftçi”-“Qalatasaray” oyunu saat 20:00-da başlayacaq.
Bölmənin digər xəbərləri
