“Neftçi”nin sabiq futbolçusu Gilyerme Patonun yeni klubu müəyyənləşib
Bakı, 22 fevral, AZƏRTAC
“Neftçi”dən ayrılan Gilyerme Patonun yeni klubu müəyyənləşib.
AZƏRTAC xəbər verir ki, braziliyalı hücumameyilli yarımmüdafiəçi Braziliyanın “Fiqeyrense” komandasına keçib. Bu barədə klubun mətbuat xidməti məlumat yayıb.
C seriyası təmsilçisi 23 yaşlı braziliyalı futbolçu ilə 2024-cü ilin sonunadək müqavilə bağlayıb.
2022-ci ilin yanvarında “Neftçi”yə transfer olunmuş G.Pato bu müddət ərzində 32 rəsmi oyunda meydana çıxıb və 2 qol vurub.
Bölmənin digər xəbərləri
