“New Straits Times”: “Qarabağ: “Etnik təmizləmə”nin arxasında duran həqiqət” adlı məqalə yayıb
Pekin, 28 sentyabr, AZƏRTAC
Malayziyanın nüfuzlu “New Straits Times” qəzeti “Qarabağ: “Etnik təmizləmə”nin arxasında duran həqiqət” sərlövhəli məqalə yayımlayıb.
AZƏRTAC xəbər verir ki, Azərbaycanın Malayziyadakı səfirliyinin müşaviri Elsevər Salmanovun müəllifi olduğu məqalədə rəsmi Bakının Qarabağdakı bütün addımlarının beynəlxalq hüquq və tarixi həqiqətlər çərçivəsində olduğu qeyd edilib, Silahlı Qüvvələrimizin həyata keçirdiyi cavab xarakterli tədbirlərin, o cümlədən lokal xarakterli antiterror tədbirlərinin beynəlxalq hüquq baxımından sülhə məcburetmə tədbirləri kimi qiymətləndirilməli olduğu əsaslı fikirlərlə diqqətə çatdırılıb.
Diplomat məqalədə Azərbaycanın Qarabağ bölgəsində yaşayan erməni sakinlərin nümayəndələri ilə son günlər keçirilmiş görüşlərdən söz açaraq, qeyd olunan görüşlərin regionda sülhün təsisi istiqamətində mühüm bir addım olduğunu vurğulayıb.
Məqalədə Azərbaycanın sülh və dialoq təşəbbüslərinə baxmayaraq bəzi Qərb hökumətlərinin təlimatları istiqamətində mediada “etnik təmizlik” yalanı uydurulmasının əsl səbəbləri izah olunur. Ayrıca, regiona müdaxilə və öz maraqlarının təminatı məqsədilə region ilə heç bir əlaqəsi olmayan xarici qüvvələrin Cənubi Qafqazda problemlərin həllində yox, davam etməsində maraqlı olduqları bildirilir.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
