NİCAT ABBASOV BEYNƏLXALQ ŞAHMAT FESTİVALINDA 10-CU YERDƏDİR
Bakı, 7 yanvar (AZƏRTAC). Norveçin Qyevik şəhərində keçirilən beynəlxalq şahmat festivalı yekunlaşmaq üzrədir.
Şahmat Federasiyasından bildirmişlər ki, Azərbaycan şahmatçıları arasında ən yüksək nəticə göstərən Nicat Abbasov son tur qarşısında Gürcüstan qrossmeysteri Mikeil Mxedişvili ilə görüşünü heç-heçə ilə başa vurmuşdur. Həmyerlimiz 5,5 xalla turnir cədvəlinin 10-cu pilləsini tutur. Nərgiz Umudova isə Polşa nümayəndəsi Mateus Bartelə uduzaraq 5 xalla 13-cü pilləyə enmişdir.
Digər Azərbaycan şahmatçılarından Xəyalə İsgəndərova 5 xalla 18-ci, Zeynəb və Türkan Məmmədyarovalar isə 4,5 xalla 23-24-cü yerləri bölüşürlər.
Turnirdə 6 xal toplamış Hindistan şahmatçısı Getha Qopal liderlik edir.
Şahmat festivalının qalibi adı uğrunda 70 şahmatçı mübarizə aparır.
Bölmənin digər xəbərləri
