Niger dövlət çevrilişi fonunda Frankofoniyadan kənarlaşdırılıb
Bakı, 20 dekabr, AZƏRTAC
Niger fransızdilli ölkələri birləşdirən Fransanın himayəsi altında olan təşkilatdan - Frankofoniyadan xaric edilib.
AZƏRTAC xəbər verir ki, bu barədə məlumat Frankofoniya təşkilatının saytında dərc olunub.
Bu qərar Frankofoniya Daimi Şurasının iyul ayında dövlət çevrilişinin baş verdiyi Nigerdəki vəziyyətə həsr olunmuş onlayn iclasında qəbul edilib.
Təşkilat, həmçinin bu üzv dövlətlə çoxtərəfli əməkdaşlığa da xitam verib. Nigerin sabiq prezidenti Məhəmməd Bazumu azad etməyə və konstitusiya nizamını bərpa etməyə çağırıb.
Qeyd edək ki, 88 dövlət Frankofoniyanın üzvüdür, dünyada 321 milyon insan frankofon hesab olunur.
Bölmənin digər xəbərləri
