Nigeriyada daşqın nəticəsində 50-dən çox insan həlak olub
Bakı, 1 sentyabr, AZƏRTAC
Avqust ayında Nigeriyada daşqınlar və torpaq sürüşməsi səbəbindən azı 51 nəfər ölüb. Bu barədə “Reuters” agentliyi ölkənin Fövqəladə Hallar və Humanitar Əməliyyatlar Nazirliyinə istinadla məlumat yayıb.
AZƏRTAC TASS informasiya agentliyinə istinadla xəbər verir ki, avqustun 1-dən başlanmış daşqınlar nəticəsində 26 min ev dağılıb, 37 nəfər ölüb, habelə 14 nəfər suda boğulub.
Nigeriyada bütün avqust ayı ərzində leysanlar yağıb. Ən çox yağıntı ölkənin qərbinə düşüb. Niger çayının məcradan çıxması nəticəsində onun sahillərindəki qəsəbə və şəhərlər, o cümlədən paytaxt Niamey də daşqınlara məruz qalıb.
Bölmənin digər xəbərləri
