NİKKOLO PAQANİNİNİN SKRİPKASI 1 MİLYON DOLLARDAN BAHA QİYMƏTƏ SATILMIŞDIR

02.11.2005 [18:37]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, Nikkolo Paqaniniyə məxsus nadir skripka Londondakı “Sotbis” hərracında Rusiya vətəndaşına satılmışdır. Alıcı söz vermişdir ki, bu ilin axırında skripkaçıların Moskvada keçiriləcək Paqanini adına Üçüncü Beynəlxalq müsabiqəsinin qalibi skripka ustası Karlo Berqontsinin yaratdığı bu musiqi alətində bir il çalmaq hüququ qazanacaqdır.

1840-cı ildə vəfat etmiş Paqanininin skripkası 568 min funt sterlinqə satılmışdır ki, bu da 1 milyon dollardan çoxdur. Skripkanın yeni sahibi Skripka Sənəti Fondu (SSF) Qəyyumlar Şurasının sədri Maksim Viktorovdur. O demişdir: ”SSF hər il Paqanini adına Beynəlxalq müsabiqə keçirir. Bu nadir musiqi alətinin alınması o deməkdir ki, müsabiqənin qalibinə bu misilsiz skripkada bir il çalmaq imkanı veriləcəkdir.

“Sotbis” hərracının ekspertləri bildirmişlər ki, skripkanın bu qiymətə satılması ilkin qiyməti xeyli üstələmişdir və skripka ustası Karlo Berqontsinin musiqi alətlərinin satışı üçün yeni hərrac rekordudur.

NİKKOLO PAQANİNİNİN SKRİPKASI 1 MİLYON DOLLARDAN BAHA QİYMƏTƏ SATILMIŞDIR

MÜƏLLİFLƏ ƏLAQƏ

Bölmənin digər xəbərləri