Norveçdə dövlətin rəqəmsal valyutasının tətbiqi üçün texniki imkanlar öyrənilir
Stokholm, 23 aprel, AZƏRTAC
Norveç Mərkəzi Bankı dövlət rəqəmsal valyutasının mümkün işləmə prinsipini öyrənmək üçün müxtəlif texniki imkanların sınaqdan keçirilməsi üçün yeni proqrama başlayır.
AZƏRTAC Norveç mətbuatına istinadən xəbər verir ki, mərkəzi bankın test proqramının yaxın iki il ərzində həyata keçirilməsi nəzərdə tutulub.
Bank yeni proqramın vasitəsilə “mərkəzi bankın rəqəmsal valyutası” adlandırılan valyuta növünün yaradılması və istifadəsi imkanlarını öyrənmək istəyir. Nəticədə əldə ediləcək məlumatla rəqəmsal valyuta haqqında növbəti qərarın verilməsi nəzərdə tutulub.
Qeyd edək ki, bu ilin aprel ayının əvvəlində qonşu İsveçin Mərkəzi Bankı dünyada ilk dəfə dövlət rəqəmsal valyutaya keçmə haqqında ilkin test və tədqiqatlarının nəticələrini açıqlayıb.
Rauf Əliyev
AZƏRTAC-ın xüsusi müxbiri
Stokholm
Bölmənin digər xəbərləri
