NYU-YORK METROSUNDA BAQAJIN YOXLANILMASI KONSTİTUSİYAYA ZİDD DEYİLDİR

03.12.2005 [19:53]
Çap et
A⁺ A^-

AZƏRTAC-ın Röyter Agentliyinə istinadla verdiyi xəbərə görə, Nyu-Yorkun cənub dairəsinin hakimi qərara almışdır ki, ABŞ-ın bu ən iri şəhəri polisinin metro sərnişinlərinin çantalarını yoxlaması Konstitusiyaya uyğundur. Nyu-Yorkun Vətəndaş Azadlıqları İttifaqı avqust ayında şəhər hökuməti və polisi əleyhinə irəli sürmüşdür. İddiaya görə, gün ərzində minlərlə sərnişinin əsassız yoxlanılması Konstitusiyaya zidd hərəkətdir.

Hakim Riçard Berman bildirmişdir ki, belə axtarışlar terorrizmlə mübarizədə səmərəli üsuldur, şəxsi həyata müdaxilə isə cüzidir. Berman sərəncamında yazmışdır: “Nyu-York metrosunda terror aktları təhlükəsi realdır. Terror əleyhinə tədbirlərin həyata keçirilməsi zərurəti şübhəsizdir, vacibdir və daim artır”.

Çantaların yoxlanılmasına Londonda törədilən terror aktlarından sonra, iyulun 22-də başlanmışdır. Nyu-Yorkun meri Maykl Blumberq hakimin qərarını bəyənərək, sərnişinlərin əşyalarının yoxlanılmasını ağıllı ehtiyat tədbiri adlandırmışdır.

Nyu-York metrosu hazırda ABŞ-da ən iri yeraltı nəqliyyat vasitəsidir və gündə 4 milyondan çox sərnişin daşıyır.

NYU-YORK METROSUNDA BAQAJIN YOXLANILMASI KONSTİTUSİYAYA ZİDD DEYİLDİR

MÜƏLLİFLƏ ƏLAQƏ