NYU-YORKDA “AZERBAİJAN REVİEW” QƏZETİNİN NƏŞRİNƏ BAŞLANMIŞDIR
AZƏRTAC xəbər verir ki, ABŞ-da fəaliyyət göstərən “Azərbaycan Nyu-York Assosiasiyası” “Azerbaijan Review” qəzetini nəşr etdirməyə başlamışdır.
Xarici Ölkələrdə Yaşayan Azərbaycanlılarla İş üzrə Dövlət Komitəsinin mətbuat xidmətindən bildirmişlər ki, Amerika ictimaiyyətini Azərbaycan həqiqətləri və ölkəmizdə gedən siyasi-iqtisadi proseslər haqqında ətraflı və düzgün məlumatlandırmaq məqsədi ilə qəzet ingilis dilində nəşr olunur. Qəzetin baş redaktoru Pərvanə Abbaspurdur.
“Azerbaijan Review” qəzetinin Azərbaycan və digər diaspor təşkilatlarının nümayəndələri, yerli əhali və Nyu-Yorkda akkreditə olunmuş xarici ölkələrin diplomatik missiyaları arasında yayılması nəzərdə tutulmuşdur.
Bölmənin digər xəbərləri
