OĞLANLAR VƏ QIZLAR ARASINDA ŞAHMAT ÇEMPİONATININ İLK QALİBLƏRİ MÜƏYYƏN OLUNMUŞDUR
18-20 yaşlı oğlan və qızlar arasında şahmat üzrə ölkə çempionatının ilk qalibləri müəyyən edilmişdir. Respublika Şahmat mərkəzindən AZƏRTAC-ın müxbirinə bildirmişlər ki, 18 yaşlı qızlar arasında Xəyalə İsgəndərova qalib gəlmiş, ikinci yeri Fidan Ağasıyeva tutmuşdur. 20 yaşlı qızların yarışında isə Nərgiz Umudova birinci yerə, Aytən Ağayeva ikinci yerə çıxmışdır. 20 yaşlı oğlanlar arasında Fərid Zeynalov qalib gəlmiş, ikinci yeri Şəhriyar Həsənov tutmuşdur.
Birinci yerləri tutmuş şahmatçılar Dünya çempionatında, ikinci yerləri tutanlar isə Avropa birinciliyində iştirak edəcəklər.
Bölmənin digər xəbərləri
