ELM VƏ TƏHSİL
OĞURLANMIŞ AVTOMOBİL SÜNİ PEYK VASİTƏSİLƏ TAPILDI
Minik avtomobilində GPS sisteminin peykləri ilə birləşdirilmiş xüsusi radioqurğu qoyulmuşdur. Avropa ölkələrində bu peyk sistemindən artıq çoxdan istifadə olunur. Avtomobildə qoyulan qəbuledici cihaz müəyyən tezlikdə işləyir və peyklərin verdiyi siqnalları daim “dinləyir”, nəticədə, maşının yeri yüz metrədək dəqiqliklə müəyyən edilir, Ukraynada “Naviqasiya” adlandırılan axtarış sistemi özlüyündə kiçik ölçülü, amma güclü antennalı minikompüterdir. Onun avtomobildə quraşdırılması təxminən 80 dollara başa gəlir. Sistem işə salındıqda maşın Dövlət Avtomobil Müfəttişliyinin növbətçi hissəsindəki elektron xəritədə görünür. Başqası maşına girməyə cəhd göstərəndə kompüter siqnal verir, peyk isə oğurlanmış avtomobilin hərəkətini izləyir. “Naviqasiya” sistemi quraşdırılmış avtomobili bütün Avropanın hüdudları daxilində izləmək mümkündür.