Oğurluqda şübhəli bilinən Sumqayıt şəhər sakini saxlanılıb
Bakı, 26 fevral, AZƏRTAC
Bakı Şəhər Baş Polis İdarəsinin cinayət axtarışı idarəsinin və Nərimanov Rayon Polis İdarəsinin 16-cı polis bölməsinin əməkdaşlarının daxil olmuş məlumat əsasında birgə keçirdikləri əməliyyat tədbirləri nəticəsində narkotiklərin qanunsuz dövriyyəsində şübhəli bilinən Sumqayıt şəhər sakini, əvvəllər məhkum olunan T.Həsənov saxlanılıb.
Daxili İşlər Nazirliyinin mətbuat xidmətindən AZƏRTAC-a bildiriblər ki, axtarış zamanı ondan 5 qrama yaxın metamfetamin götürülüb.
Aparılan tədbirlərlə onun müxtəlif vaxtlarda bir nəfərin cibindən, doqquz nəfərin isə çantasından ümumilikdə 2845 manat məbləğində pul, bank kartları və sənədlər oğurlaması da müəyyənləşdirilib.
Bölmənin digər xəbərləri
