Oleq Əmirbəyov: Azərbaycanla Qazaxıstan arasında mədəni əlaqələr güclənir
Bakı, 26 sentyabr, AZƏRTAC
Azərbaycanla Qazaxıstan arasında mədəniyyət sahəsində əməkdaşlıq uğurla davam edir.
Bu barədə AZƏRTAC-a mədəniyyət nazirinin müşaviri Oleq Əmirbəyov bildirib.
“Keçən il Qazaxıstandan gələn nümayəndə heyətini Bakıda qəbul etmişdik. Bu il isə biz Qazaxıstan nümayəndələrinin qonağı olduq”, - o qeyd edib.
Əmirbəyov vurğulayıb ki, Mədəniyyət Nazirliyi Qazaxıstanda üçgünlük xüsusi proqram hazırlayıb. Bu proqram çərçivəsində Azərbaycanın incəsənət əsərləri, rəqsləri, musiqisi və ədəbiyyatı təqdim olunub.
“Mədəniyyət sahəsində əməkdaşlıq ölkələr arasında münasibətlərin ayrılmaz bir hissəsidir. Hazırda ölkələrimiz bir çox sahələrdə yüksək səviyyədə əməkdaşlıq edirlər və mədəniyyət sahəsi də öz rolunu oynayır”, - o əlavə edib.
Oleq Əmirbəyov, həmçinin gələcəkdə bu cür layihələrin davam etdiriləcəyini bildirib. “Bu tədbirlər iki ölkə arasında mədəni bağları gücləndirməklə yanaşı, ümumi münasibətlərin inkişafına da müsbət təsir göstərir”, - deyə qeyd olunub.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
