ÖLKƏ ƏRAZİSİNDƏ YAĞMURLU HAVA ŞƏRAİTİ ÜSTÜNLÜK TƏŞKİL EDƏCƏKDİR
Bakı, 3 oktyabr (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, oktyabrın 4-də ölkə ərazisində şimşək çaxacağı, əsasən yağmurlu keçəcəyi gözlənilir.
Bakıda havanın buludlu, əsasən yağmursuz keçəcəyi, temperaturun gündüz 20-22, gecə 15-17 dərəcə isti olacağı, Naxçıvanda külək əsəcəyi, gündüz əsasən yağmursuz keçəcəyi, gündüz 25-27, gecə 14-16 dərəcə isti olacağı proqnozlaşdırılır. Ölkənin qalan ərazisində şimşək çaxacaq, yağış yağacaq, aran bölgəsində gündüz 23-25, gecə 17-19, dağlıq zonada gündüz 15 -17, gecə 9-11 dərəcə isti olacaqdır.
Bölmənin digər xəbərləri
