Ölkədə 350 min hektar sahədə yazlıq bitkilər əkilib
Bakı, 14 iyul, AZƏRTAC
Ölkədə yaz-tarla işləri başa çatıb.
Dövlət Statistika Komitəsindən AZƏRTAC-a bildirilib ki, cari il iyulun 1-nə kimi 350 min hektar sahədə yazlıq bitkilər, o cümlədən 61,9 min hektar sahədə dənli və dənli paxlalı bitkilər (ondan 29,1 min hektarı dən üçün qarğıdalı), 49,5 min hektar sahədə kartof, 61,2 min hektar sahədə tərəvəz, 17,2 min hektar sahədə bostan bitkiləri, 94,2 min hektar sahədə pambıq, 10,5 min hektar sahədə dən üçün günəbaxan, 4,5 min hektar sahədə şəkər çuğunduru, 2,9 min hektar sahədə tütün, 45,6 min hektar sahədə çoxillik otlar, 1,3 min hektar sahədə birillik otlar və 1,2 min hektar sahədə sair bitkilər əkilib.
Bölmənin digər xəbərləri
