Ölkədən 63,3 min ton pambıq lifi, 5,8 min ton pambıq ipliyi ixrac olunub
Bakı, 27 oktyabr, AZƏRTAC
Bu ilin 9 ayında Azərbaycandan 63,3 min ton pambıq lifi və 5,8 min ton pambıq ipliyi ixrac edilib.
AZƏRTAC Dövlət Gömrük Komitəsinin (DGK) məlumatına istinadla xəbər verir ki, ixrac edilən pambıq lifinin dəyəri 83,8 milyon, pambıq ipliyinin dəyəri isə 12 milyon ABŞ dolları olub.
Xatırladaq ki, ötən ilin eyni dövründə ölkədən 86,7 milyon dollarlıq 61,7 min ton pambıq lifi, 22,5 milyon dollarlıq 9,4 min ton pambıq ipliyi ixrac edilib.
Bölmənin digər xəbərləri
