Ölkəmizin azadlığı uğrunda canlarından keçmiş 20 Yanvar şəhidlərini heç vaxt unutmayacağıq
Bakı, 20 yanvar, AZƏRTAC
20 Yanvar Azərbaycan tarixində qanla yazılmış bir səhifədir. Bu tarix Azərbaycanın istiqlal yolunun ilk zirvəsi və azadlıq istəyinin oyanış günüdür.
Bu sözləri yanvarın 20-də qəhrəman Vətən övladlarının xatirəsini yad etmək üçün Şəhidlər xiyabanını ziyarətə gələn Bakı sakini Hüsü Mehdiyev AZƏRTAC-a müsahibəsində deyib.
O bildirib ki, şəhidlərimizin Azərbaycanın müstəqilliyi, azadlığı və firavan gələcəyi uğrunda tökülən qanları hədər getməyib. Hər birimiz Şəhidlər xiyabanına gələrkən içimizdə xəfif titrəyiş hiss edirik. Oradan qayıdanda isə bu titrəyiş qürur hissi ilə əvəz olunur. Biz ölkəmizin azadlığı uğrunda canlarından keçmiş qanlı 20 Yanvar şəhidlərini heç vaxt unutmayacağıq.
Bölmənin digər xəbərləri
