ÖLÜLƏRDƏN DİŞ PLOMBLARININ ÇIXARILMAMASI ƏTRAF MÜHİT ÜÇÜN TƏHLÜKƏLİDİR
AZƏRTAC Röyter Agentliyinə istinadla xəbər verir ki, İsveçin hakimiyyət orqanları ölülərin meyitləri yandırılmazdan əvvəl onların civə ilə bəzi metalların ərintisindən hazırlanan amalqam diş plomblarını çıxarmağa çağırırlar. Bu, İsveç hökuməti inspeksiyasının mayın 19-da yayılan məruzəsində bildirilir.
Məruzədə deyilir: “Əlbəttə, bunu etmək etik baxımdan çətin olsa da, mütləq lazımdır. Çünki bu halda atmosferə atılan civə azalmış olar”.
Hesablanmışdır ki, İsveç əhalisinin dörddə üç hissəsinin diş plombları amalqamdan düzəldilmişdir. Bu isə o deməkdir ki, onların ağızlarında təxminən 2,8 ton civə var. İsveçdə ölülərin 70 faizi yandırılır.
Bölmənin digər xəbərləri
