ON YEDDİ YAŞLI MACAR İNGİLTƏRƏNİN “NYUKASL” KLUBUNDA ÇIXIŞ EDƏCƏK
AZƏRTAC-ın xüsusi müxbiri Macarıstan mənbəyinə istinadla xəbər verir ki, “Zalaegerseqa” klubunun və Macarıstanın gənclərdən ibarət yığma komandasının 17 yaşlı müdafiəçisi Tamaş Kadar “Nyukasl” klubu ilə dörd il yarım müddətinə müqavilə imzalamışdır. Futbolçu ingilis klubuna 1,2 milyon avroya başa gəlmişdir ki, bu da Macarıstan futbolu tarixində müdafiə xəttinin oyunçuları üçün ən bahalı transfer olmuşdur.
T.Kadar etiraf etmişdir ki, həmişə İngiltərə ali liqasında oynamaq arzusunda olmuş və indi bu arzusu həyata keçmişdir.
Futbolçu bildirmişdir ki, uzun müddət idman növünü dəyişmək və həndbolçu olmaq istəyirmiş və yalnız bu yaxınlarda həmin fikrindən daşınmışdır.
Bölmənin digər xəbərləri
