OPEK GÜNDƏLİK NEFT HASİLATINI 1,2 MİLYON BARREL AZALDIR

20.10.2006 [20:21]
Çap et
A⁺ A^-

AZƏRTAC-ın İTAR-TASS-dan aldığı xəbərə görə, dünyada əsas neft hasilatçısı olan 11 dövləti birləşdirən Neft İxrac Edən Ölkələr Təşkilatı (OPEK) oktyabrın 20-də gündəlik neft hasilatını 1,2 milyon barrelədək azaldacağını bildirmişdir. Bu qərar OPEK Konfransının Qətərin paytaxtı Dohədə keçirilən fövqəladə sessiyasında qəbul olunmuşdur.

Qətərin energetika və sənaye naziri Abdulla bin Həməd əl-Atıyya bundan əvvəl bildirmişdi ki, hasilatın azaldılması neft kartelinin bu yaxınlarda təyin etdiyi yüksək həddə - gündə 28 milyon barrelə toxunmayacaqdır. O demişdir ki, azalma yalnız hazırkı “hasilat səviyyəsinə” aid ola bilər.

İndi təyin olunmuş normalara görə, OPEK gündəlik hasilatı 26,3 milyon barrelədək azaltmalıdır, lakin bu, çətin ki baş tutsun. Kartelin üzvü olan ölkələr, əslində, hər gün bazara 28 milyon barreldən çox neft çıxarır, çünki OPEK-in üzvü olan İraq nəzərə alınmır. Lakin müharibəyə və onunla bağlı problemlərə baxmayaraq, İraq da dünya neft bazarının fəal oyunçularındandır.

OPEK GÜNDƏLİK NEFT HASİLATINI 1,2 MİLYON BARREL AZALDIR

MÜƏLLİFLƏ ƏLAQƏ

Bölmənin digər xəbərləri