“ORELAY” ŞİRNİYYAT FİRMASI İSTEHSAL SAHƏLƏRİNİ GENİŞLƏNDİRİR

05.05.2004 [03:24]
Çap et
A⁺ A^-

Artıq ikinci ildir ki, Ağdaşda fəaliyyət göstərən “Orelay” şirniyyat firması 30 adda karamel buraxır. Hazırda 45 nəfərin çalışdığı firmada istehsal olunan məhsullara tələbat artmaqdadır. Bu isə hər şeydən əvvəl məhsulların keyfiyyəti ilə əlaqədardır.

Burada iki təzə axın sexinin istismara buraxılması üçün son hazırlıq işləri görülür. İstehlakçılar yaxın günlərdə firmanın isteshal edəcəyi vafli və şokolad məhsullarını da ala biləcəklər.

“Orelay” firmasının direktoru Namiq Ədilov AZƏRTAC-ın müxbirinə bildirmişdir ki, yeni sexlərin istismara verilməsi ilə əlaqədar daha 20 nəfər işə götürüləcəkdir.

İstehsal sahəsini genişləndirmək məqsədilə firma yeni bir binanın tikintisinə başlamışdır.