Ötən ay Bakı Şəhəri üzrə Təhsil İdarəsinə yeddi mindən çox müraciət daxil olub
Bakı, 2 aprel, AZƏRTAC
Mart ayı ərzində Bakı Şəhəri üzrə Təhsil İdarəsinə (BŞTİ) 7022 müraciət daxil olub. Daxil olan müraciətlərin əksəriyyəti cavablandırılıb və operativ şəkildə həll olunub.
BŞTİ-dən AZƏRTAC-a bildirilib ki, statistikaya əsasən, Çağrı Mərkəzinə (146-1 nömrəli) 4142 zəng daxil olub. Vətəndaşların Qəbulu Mərkəzinə 1358 müraciət daxil olub.
Təhsil İdarəsinə 1132 sənəd (vətəndaşlar tərəfindən 212 ərizə, Elm və Təhsil Nazirliyindən 190, digər qurumlardan 181, tabelikdə olan təhsil müəssisələrindən 332 məktub və 217 kadr ərizəsi) daxil olub və qeydiyyata alınıb. Həmçinin 390 elektron müraciətə baxılıb.
Daxil olan müraciətlər müxtəlif məsələlərin tənzimlənmə qaydaları, məktəbəqədər təhsil müəssisələrinə qəbul, şagird yerdəyişməsi, müəllimlərin əmək müqaviləsinin müddətinin uzadılması, işə qəbul və digər məsələləri əhatə edir.
Bölmənin digər xəbərləri
