Ötən ay qlobal neft tədarükü azalıb
Bakı, 17 mart, AZƏRTAC
Fevral ayında qlobal neft təklifi yanvarla müqayisədə orta hesabla 2 milyon barrel azalaraq gündəlik 91 milyon 570 min barrel təşkil edib.
AZƏRTAC xəbər verir ki, bu barədə Beynəlxalq Enerji Agentliyinin (IEA) neft bazarına dair aylıq hesabatında deyilir.
Hesabata görə, neft tədarükünün azalmasına ABŞ-dakı şaxtalı hava səbəbindən hasilatın dayandırılması və Səudiyyə Ərəbistanı tərəfindən könüllü olaraq tətbiq olunan gündəlik əlavə 1 milyon barrel istehsal məhdudiyyəti təsir edib.
Keçən ay Neft İxrac Edən Ölkələr Təşkilatına (OPEC) üzv olmayan ölkələrin neft istehsalı isə yanvarla müqayisədə 1 milyon 260 min barrel azalaraq sutkada 61 milyon 620 min barrel olub.
Bölmənin digər xəbərləri
