Ötən gün paytaxtda 26 cinayətin üstü açılıb
Bakı, 18 mart, AZƏRTAC
Paytaxtın polis orqanları tərəfindən keçirilən əməliyyat-axtarış tədbirləri nəticəsində ötən gün 26 cinayətin üstü açılıb.
Bakı Şəhər Baş Polis İdarəsindən AZƏRTAC-a bildiriblər ki, onlardan 7-si əvvəlki dövrlərdən bağlı qalan cinayətlər olub.
Cinayətlərin 1-i qəsdən sağlamlığa ağır zərər vurma, 1-i soyğunçuluq, 1-i quldurluq, 6-sı narkotiklərlə bağlıdır. Baş vermiş oğurluq hadisələri ilə əlaqədar keçirilmiş əməliyyat-axtarış tədbirləri nəticəsində 7 faktın üstü açılıb.
Cinayət Məcəlləsinin müxtəlif maddələri və borca görə axtarışda olduğuna görə ümumilikdə 25 nəfər saxlanılıb. İtkin düşmüş kimi barəsində axtarış elan olunan bir nəfər tapılaraq ailəsinə təhvil verilib.
Bölmənin digər xəbərləri
