Özbəkistan Rusiyadan qaz idxalını 3,5 dəfə artırmağı planlaşdırır
Bakı, 21 fevral, AZƏRTAC
Özbəkistan hökuməti Rusiyadan qaz idxalını 3,5 dəfə artıraraq sutkada 32 milyon kubmetrə çatdırmağı hədəfləyir.
AZƏRTAC xəbər verir ki, “Gazeta.uz” saytının məlumatına görə, Özbəkistan hakimiyyəti Rusiyadan qaz idxalının həcmini artırmaq üçün magistral qaz sisteminin təkmilləşdirilməsinə 500 milyon dollar xərcləmək niyyətindədir.
“Özbəkistan Rusiyadan qaz tədarükünün həcmini sutkada 9 milyon kubmetrdən 32 milyon kubmetrədək artırmağı planlaşdırır”, - məlumatda belə deyilir.
2023-cü ilin oktyabrında Rusiya öz qazını Qazaxıstan ərazisi ilə Özbəkistana tədarük etməyə başlayıb. Tərəflər arasında imzalanan müqaviləyə görə, “Qazprom” iki il ərzində bu ölkəyə sutkada 9 milyon kubmetr qaz ixrac edəcək.
Bölmənin digər xəbərləri
