Özbəkistanda üç hakim və bir klub rəsmisi futboldan kənarlaşdırılıb
Bakı, 8 yanvar, AZƏRTAC
Özbəkistanın “Kokand-1912” klubunun idman direktoru Şuhrat Muminov və üç hakim danışılmış oyunlara görə futboldan ömürlük uzaqlaşdırılıb.
AZƏRTAC xəbər verir ki, bu barədə Özbəkistan Futbol Assosiasiyası bəyanat yayıb.
Bildirilib ki, Ş. Muminov ötən mövsüm üç hakimə - Husan Müzəffərov, Obid Cumayev və Jasur Rustamova rüşvət verib. O, oyunlar zamanı komandasına kömək etmələri üçün ədalət təmsilçilərinə pul ödəyib.
Buna görə də adıçəkilən şəxslərin futbolla bağlı hər hansı fəaliyyətinə ömürlük qadağa qoyulub, müvafiq cəza və intizam tədbirləri görülüb.
Bölmənin digər xəbərləri
