Pakistan “Fatah-4” qanadlı raketini uğurla sınaqdan keçirib
Bakı, 30 sentyabr, AZƏRTAC
Bu gün Pakistan Ordusu yerli istehsal edilmiş “Fatah-4” raketinin uğurlu sınaq buraxılışını həyata keçirib.
AZƏRTAC xəbər verir ki, DND xəbər agentliyi verdiyi məlumata görə, raket 750 kilometr məsafəni uğurla qət edib. Ən müasir naviqasiya vasitələri ilə təchiz edilmiş bu silah sistemi ərazini əhatə edən xüsusiyyətləri və yüksək dəqiqliklə hədəfləri vurması sayəsində düşmənin raketdən müdafiə sistemindən yayınmağa qadirdir.
Pakistanın Prezidenti və Baş naziri raketin uğurla buraxılması münasibətilə zabitlərə, alimlərə və mühəndislərə təbrik ünvanlayıb.
Bölmənin digər xəbərləri
