PAKİSTAN JURNALI AZƏRBAYCANDAN BƏHS EDİR

05.02.2004 [12:02]
Çap et
A⁺ A^-

Ölkəmizin Pakistandakı səfirliyindən AZƏRTAC-a daxil olmuş məlumatda bildirilir ki, İslamabadda nəşr edilən nüfuzlu “The Voice” jurnalı Prezident Pərviz Müşərrəfin Azərbaycana qarşıdakı səfəri ərəfəsində respublikamız barədə bir sıra maraqlı materiallar dərc etmişdir.

Jurnalın üz qabığında “Azərbaycandan məhəbbətlə” rubrikası

altında dövlətimizin başçısı İlham Əliyevin fotoşəkli verilmişdir.

Ölkəmizin hazırkı inkişafından bəhs edən “Azərbaycan – sülh və tərəqqi

yolunda” sərlövhəli geniş məqalədə ümummilli liderimiz,

müstəqil Azərbaycan dövlətinin qurucusu Heydər Əliyevin fəaliyyətinə

geniş yer verilir, onun vəfatının respublikamız üçün böyük itki olduğu

bildirilir. Eyni zamanda, xalqımızın İlham Əliyevə səs verməklə ən doğru

addım atması və ölkəmizdə Heydər Əliyevin siyasətinin uğurla davam

etdiriləcəyinə inam olması vurğulanır.

Azərbaycanın Pakistandakı səfiri Eynulla Mədətlinin “Doğma evdəki

kimi” müsahibəsində ölkəmizin daxili və xarici siyasətinin öncül

istiqamətləri, Ermənistan-Azərbaycan, Dağlıq Qarabağ münaqişəsi və sair məsələlər barədə suallara ətraflı cavab verilir.