Pakistanda iki qatarın toqquşması nəticəsində 32 nəfər həlak olub
Bakı, 7 iyun, AZƏRTAC
Bu gün Pakistanın cənubunda iki sərnişin qatarının toqquşması nəticəsində azı 32 nəfər həlak olub, 64 nəfər yaralanıb.
AZƏRTAC Geo TV telekanalına istinadla xəbər verir ki, qəza Sind əyalətinin Qotki şəhəri yaxınlığında baş verib. Qatarlardan biri relsdən çıxıb, bundan sonra ikinci qatar ona çırpılıb.
Polisin nümayəndəsi bildirib ki, yerli sakinlər, xilasedicilər və polis əməkdaşları yaralıları və həlak olanların cəsədlərini yaxınlıqdakı xəstəxanalara çatdırırlar.
Hazırda xilasetmə əməliyyatları davam etdirilir. Qəzanın səbəbi hələlik açıqlanmır.
Bölmənin digər xəbərləri
