Pakistanda sərnişin daşıyan furqonun qəzaya uğraması nəticəsində azı 13 nəfər həyatını itirib
İslamabad, 27 sentyabr, АZƏRTAC
Pakistanda sərnişin daşıyan furqonun qəzaya uğraması nəticəsində azı 13 adam həyatını itirib, 5 sərnişin xəstəxanaya yerləşdirilib.
AZƏRTAC Pakistan mətbuatına istinadla xəbər verir ki, nəqliyyat vasitəsində 20 sərnişin olub.
İlkin məlumata görə, qarşıdan gedən bir maşının kapotu naməlum səbəbdən kənara atılıb. Bu səbəbdən də furqonun sürücüsü sürətlə gedən maşının əyləcini sıxıb və furqon aşıb.
Polislər, yanğınsöndürənlər və həkimlər hadisə yerinə gəlib.
Qulu Kəngərli
AZƏRTAC-ın xüsusi müxbiri
İslamabad
Bölmənin digər xəbərləri
