PAMBIQ TARLALARINDA İKİNCİ KOMPLEKS BECƏRMƏ İŞLƏRİ BAŞA ÇATDIRILIR
Ucar rayonunda pambıqçılığın inkişafı ilə əlaqədar ciddi tədbirlər həyata keçirilir. İcra hakimiyyətinin aqrar şöbəsindən AZƏRTAC-ın müxbirinə bildirmişlər ki, indi rayonda 120 nəfərdən çox torpaq mülkiyyətçisi pambıqçılıqla məşğul olur. Bu il sahibkarlar 1501 hektar sahədə pambıq yetişdirirlər.
Hazırda sahələrin ikinci kompleks becərilməsi işləri aparılır və bu mühüm tədbir yaxın günlərdə başa çatdırılacaqdır. Yuxarı Şilyan, Lək, Şahlı, Xalac və digər ərazilərdə sahələr gələcək bol məhsuldan xəbər verir. Mütəxəssislərin qənaətinə görə, cari ildə rayonda azı 2000 tonadək pambıq istehsal ediləcəyi gözlənilir. Bu isə keçən ildəkindən 500 ton çoxdur.
Bölmənin digər xəbərləri
