Papa Fransiskin sabah xəstəxanadan evə buraxılması gözlənilir
Vatikan, 31 mart, AZƏRTAC
Xəstəxanada müalicəsi davam etdirilən Roma Katolik Kilsəsinin rəhbəri Papa Fransiskin aprelin 1-də səhər saatlarında evə buraxılması gözlənilir.
AZƏRTAC xəbər verir ki, bu barədə Müqəddəs Taxt-Tacın sözçüsü Matteo Bruni deyib.
M.Bruni bu gün səhər aparılan yoxlamalara əsasən, Papa Fransiskin vəziyyətinin yaxşılaşdığını, sabah son analizlərin nəticələrindən asılı olaraq Santa Martadakı evinə buraxılmasının nəzərdə tutulduğunu qeyd edib.
O bildirib ki, aprelin 2-də Papa Fransiskin iştirakı ilə Müqəddəs Pyotr meydanında Pasxa bayramından əvvəl qeyd olunan “Palma bazarı” günü keçiriləcək.
Xatırladaq ki, 86 yaşlı Fransisk martın 29-da təcili yardım avtomobili ilə Romadakı Gemelli xəstəxanasına yerləşdirilib və ona tənəffüs yolu infeksiyası diaqnozu qoyulub.
Nihad Budaqov
AZƏRTAC-ın xüsusi müxbiri
Vatikan
Bölmənin digər xəbərləri
