Papa Leo bir vaxtlar özünün rəhbərlik etdiyi dikasteriyaya yeni prefekt təyin edib
Vatikan, 26 sentyabr, AZƏRTAC
Roma Katolik Kilsəsinin rəhbəri Papa XIV Leo bir vaxtlar özünün rəhbərlik etdiyi Müqəddəs Taxt-Tacın Yepiskoplar üzrə Dikasteriyasına yeni prefekt təyin edib.
AZƏRTAC xəbər verir ki, italiyalı arxiyepiskop Filippo İannoneni Vatikanın əsas departamentinin prefekti olub. Sentyabrın 26-da elan edilən bu təyinat, may ayında Papa seçilən XIV Leonun Müqəddəs Taxt-Tacın əsas dikasteriyasına etdiyi ilk rəhbər təyinatdır.
67 yaşlı İannone 2022-ci ildən bəri Vatikanın Qanunvericilik Mətnləri üzrə Dikasteriyasına rəhbərlik edib.
Qeyd edək ki, Papa Leo 2023-cü ildən katoliklərin ruhani lideri olana qədər həmin dikasteriyanın prefekti olub.
Nihad Budaqov
AZƏRTAC-ın xüsusi müxbiri
Vatikan
Bölmənin digər xəbərləri
