İDMAN
Paracüdoçularımız Bakıda keçiriləcək dünya çempionatına hazırlığı davam etdirirlər
Bakı, 26 oktyabr, AZƏRTAC
Paracüdoçularımız Bakıda keçiriləcək dünya çempionatına hazırlığı davam etdirirlər.
AZƏRTAC Azərbaycan Milli Paralimpiya Komitəsinə istinadla xəbər verir ki, kişi və qadınlardan ibarət milli komandalarımız baş məşqçilər İbrahim İbrahimov və Paralimpiya çempionu Ramin İbrahimovun rəhbərliyi altında Göygöl Olimpiya İdman Kompleksində keçirilən təlim-məşq toplanışında iştirak edirlər.
Təlim-məşq toplanışı “Paris-2024” XVII Yay Paralimpiya Oyunlarına hazırlığın proqramına uyğun olaraq keçirilir.
Bakıda dünya çempionatı noyabrın 8-dən 10-dək keçiriləcək.
