“Paris-2024”: Moldovanı təmsil edən azərbaycanlı cüdoçu yarımfinala yüksəlib
Bakı, 29 iyul, AZƏRTAC
Moldovanı təmsil edən azərbaycanlı cüdoçu Adil Osmanov “Paris-2024” Yay Olimpiya Oyunlarında yarımfinala yüksəlib.
AZƏRTAC xəbər verir ki, 73 kiloqram çəki dərəcəsində mübarizə aparan idmançı 1/4 finalda monqolustanlı Erdenebayar Batzayi ilə üz-üzə gəlib. O, bu raundda rəqibinə qalib gələrək adını ½ finala yazdırıb.
Qeyd edək ki, Adil Osmanov öz çəkisində dünya reytinqinin 13-cü pilləsində yer alır. Bu, onun çıxış etdiyi ilk olimpiadadır.
Bölmənin digər xəbərləri
